2019- جىلعى ءۇرىمجى جىبەك جولى قار- مۇز مارافون جارىسى 2 مىڭ 500 ادامدى قاتىناسۋعا باۋرادى

2019-جىلعى ءۇرىمجى جىبەك جولى قار- مۇز مارافون جارىسى 1-ايدىڭ 13-كۇنى ءۇرىمجىنىڭ نانسانىندا باستالادى، قازىر جارىسقا تىزىمدەلۋ قىزمەتى دە اياقتادى، تىزىمدەلگەندەردىڭ سانى 2 مىڭ 500 ادامعا تايادى.  حابار  :

     ءۇرىمجى قار-مۇز مارافون جارىسى شينجياڭداعى جاڭا جىلدى قارسى الۋدىڭ تۇڭعىش جارىس دەپ اتالادى، بيىل ايعا جەتپەيتىن ۋاقىتتا، جارىسقا تىزىمدەلگەندەردىڭ سانى 2 مىڭ 500 ادامعا تايادى. جارىسقا تىزىمدەلگەن حان فاميليالى كاريا مارافون جارىسىنىڭ جانكۇيەرى، ول بىلاي دەدى: «2017-جىلى 1-ايدىڭ 1-كۇنى تۇڭعىش رەتكى قار-مۇز مارافون جارىسىنا قاتىناسىپ، 4 ساعاتتان استام جۇگىرگەنىمىن. 1-ايدىڭ 13-كۇنگى مارافون جارىسىن كۇتكەلى كوپ بولدى، ەڭ الدىمەن تىزىمدەلدىم، دايىندالىپ تا جاتىرمىن، ەكى رەت ۇزاقىققا جۇگىرىپ جاتتىقتىم، وسى رەتكى قار-مۇز مارافون جارىسىن تابىستى تامامداۋدى ءۇمىت ەتەمىن» .

     وسى رەتكى قار-مۇز مارافون جارىسىنا ۇرىمجىدەگى جۇگىرۋ اۋەسكەرى باتىس باقشا جۇگىرىس ۇيىرمەسىنىڭ باستىعى لي ميڭ 60 نەشە ادامدى جارىسقا قاتىناسۋعا توپتىق تىزىمدەتتى. ول: «وسى رەت شينجياڭدا وسىنداي ءىرى كولەمدى مارافون جارىسى وتكىزىلمەكشى، كوپتەگەن ادام بۇعان قاتىناسۋدى ويلايدى، ولار وسى جارىستى كوپتەن كۇتكەن، ءبىزدىڭ جۇگىرىس ۇيىرمەمىزدەن وسى رەت 60 نەشە ادام قاتىناسپاقشى» ،-دەدى.

     سوڭعى جىلدارى، جۇگىرۋ اۋەسكەرلەرى بارعان سايىن كوبەيدى، ونىڭ ۇستىنە ولاردىڭ جاس شاماسى دا جىل سايىن ۇلعايدى. ءۇرىمجى قالالىق مارافون جارىسى قوعامىنىڭ باس حاتشىسى جاڭ جيان تىلشىگە  بىلاي دەدى: «مارافون جارىسىنا قاتىناساتىنداردىڭ ەڭ ۇلكەنى 72 جاستا، تاعى ءتورت، بەس جاستارداعى بالالاردا بار، بۇل حالپى بۇقارانىڭ حالىقتىق دەنە شىنىقتىرۋ مەن مارافون جارىسىنا دەگەن قىزعىندىلىعىن بىلدىرەدى. سىرتتان كەلەتىن شەبەرلەر 400 گە تايايدى، ءبىزدىڭ بۇل جارىس ايگىلى ماركاعا اينالىپ، بۇكىل ەلىمىزدىڭ جەر-جەرىنە ىقپال ەتىپ وتىر.»

     قالا مارافونىمەن ۇقسامايتىنى، ءۇرىمجى قار-مۇز مارافون جارىسىنىڭ ورنى كورىنسى كوركەم نانسان تاۋىندا، بۇل ارانىڭ تەڭىز دەڭگەيىنەن ورتاشا بيىكتىگى ءبىر مىڭ 760 مەتر، تەمپۋراتۋراسى نولدەن تومەن ون نەشە سەلتسي گرادۋس بولعاندىقتان، كاسىپتىك قايراتكەرلەر جۇگىرۋشىلەرگە ىشىنەن جىلۋ  ساقتايتىن ءىش كيىم، جەڭىل پوپايكا، سىرتىنان جەل وتكىزبەيتىن سىرت كيىم كيۋدى ۇسىنس ەتەدى. بۇدان تىس، قىسقى ۇزاققا جۇگىرۋدە ەڭ قاتەرلىسى قۇلاق، مۇرىن، بەت جانە قولدىڭ ءۇسىنۋى، سوندىقتان قۇلاقتى، 
بەتتى، قولدى ۇسىنۋدەن ساقتاۋ دا اسا ماڭىزدى. »