تارباعاتاي ايماعىنداعى اسىل تۇقىمدى سيىر فەرماسىنىڭ باستىعى چىن شۋميڭ ءار ۇلت جۇمىسشى-قىزمەتكەرلەرىن

پراكتيكانت ءتىلشى لي ۋيدىڭ حابارى تارباعاتاي ايماعىنداعى اسىل تۇقىمدى سيىر فەرماسىنىڭ باستىعى چىن شۋميڭ ءار ۇلت جۇمىسشى-قىزمەتكەرلەرىن ءوز تۋىسىنداي كورىپ ،   كوپشىلىكتى الاڭنان ارىلتىپ، قينشىلىعىن شەشىپ، ءار ۇلت جۇمىسشى-قىزمەتكەرلەرىنىڭ جاناشىر جاقىنىنا اينالدى.   :

   «چىن شۋميڭ تۋىسىنىڭ جۋىقتان بەرى دەنساۋلىق جاعدايىنىڭ قانداي ەكەنىن سۇراپ ەدى، تۋىسى دەنساۋلىعىنىڭ جاقسى ەكەنىن ايتتى، چىن شۋميڭ تاعى: ەكىنشى قىزىڭنىڭ ۇيرەنۋى قانداي دەپ سۇراپ ەدى، تۋىسى ۇيرەنۋى جاقسى دەپ جاۋاپ بەردى.»

     جۋىقتا چىن شۋميڭ اسىل تۇقىمدى سيىر فەرماسىنىڭ اۋىل شارۋاشىلىق 4- اترەتىندەگى تۋىسى ادالتايعا تاعى امانداسا باردى، ۇيگە كىرىسىمەن، ول وتباسىنداعىلاردىڭ احۋالىن سۇراپ ۇعىستى. ادالتايدىڭ ءۇيى بۇرىن كەدەي ەدى، ءبىر ۇيدەگى ءتورت جان قولىنداعى ەكى سيىر مەن ەگىن ەگۋگە سۇيەنىپ تۇرمىس كەشىرەتىن، تەحنيكانى بىلمەگەندىكتەن، ساۋىن سيىرىنىڭ ءسۇتى دە از، وتباسىنىڭ كىرىسى وتە تومەن بولاتىن. ەكى جىلدىڭ الدىندا، چىن شۋميڭ مەن ادالتاي تۋىس بولعاننان كەيىن، ول ادالتايعا سيىر باعۋ تەحنيكاسىن قولما قول ۇيرەتتى. چىن شۋميڭ بىلاي دەدى: «وعان مالدى عىلمي جولمەن باعۋدى ياعني  ۇزىن ءشوپتى تۋراپ بەرۋدى، قىسقا ءشوپتى وقىردا بەرۋدى ۇيرەتتىم ، وسىلاي بولعاندا %25 جەم-ءشوپتى ۇنەمدەۋگە بولاتىنىن ايتتىم، تاعى ىندەتتەن عىلمي ساقتانىپ، مالدىڭ شىعىندالۋ مولشەرىن ازايتۋعا كۇش سالىپ، وعان تەحنيكانى يگەرتتىم.» 

   چىن شۋميڭنىڭ كومەگىندە، ادالتاي باققان قوڭىر سيىردىڭ ءسۇتى بارعان سايىن مولايدى، وتكەن جىلى چىن شۋميڭ تاعى وعان كومەكتەسىپ، كەدەيلەردى سۇيەمەلدەۋ قارىز اقشاسىنا ءوتىنىش بەردى، باعىمشىلىق كولەمى كەڭەيىپ، سيىردىڭ سانى 10 عا جەتتى. مۇنان سىرت، چىن شۋميڭ تاعى ادالتايعا 50 شوجە، 30 ۇيرەك جانە ۋسارىمساق مايساسى، كارتوپ ساتىپ الىپ بەرىپ، ونىڭ اۋلا شارۋاشىلىعىن دامىتۋىنا قول ۇشىن بەردى. بيىل، ادالتايدىڭ وتباسىنىڭ ناقتى كىرىسى 20 مىڭ يۋاننان استى. ادالتاي: « ول اعام سەكىلدى بولىپ كەتتى، بىرگە تاماقتانىپ، بىرگە تۇرامىز. قازىر كىرىسىمىز بارعان سايىن ارتىپ، تۇرمىسىمىز بارىنشا جاقساردى،- دەدى.»

   چىن شۋميڭ تەك ادالتايدى عانا ەمەس، سيىر فەرماسىنداعى جۇمىسشى-قىزمەتكەرلەردىڭ بارلىعىن ءوزىنىڭ جاناشىر جاقىنىنا بالاپ،جۇمىسشى-قىزمەتكەرلەردى مۇمكىندىكتىڭ بارىنشا  الاڭنان ارىلتىپ، ولاردىڭ قينشىلىعىن شەشتى. اسىل تۇقىمدى سيىر فەرماسى اق قوي اترەتىنىڭ جۇمىسشى-قىزمەتكەرى ءمۇنيرا زاعيپ ۇلىنا جالعىز ءوزى قارايدى، تۇرمىسى نەداۋىر جاپالى، چىن شۋميڭ مۇنى بىلگەننەن كەيىن وعان كومەك قولىن سوزىپ، ءمۇنيراعا جىل سايىن تۇرمىس قوسىمشا قاراجاتىن بەرىپ تۇردى. ءمۇنيرا: « فەرما باستىعى چىن شۋميڭ قانداي قينشىلىعىم بولسادا ءوزىن ىزدەپ بارۋىمدى ايتتى. تۇرمىسىم كۇن سايىن جاقسارۋدا، ول كىسىگە العىس ايتامىن،- دەدى.» 

   تارباتاعاي ايماعى اسىل تۇقىمدى سيىر فەرماسىندا ۇيعۇر، قازاق، حۇيزۋ، موڭعۇل سياقتى 11 ۇلتتان قۇرالعان جۇمىسشى-قىزمەتكەر بار. چىن شۋميڭنىڭ باستاماشىلىعىندا، اسىل تۇقىمدى سيىر فەرماسى قوڭىر سيىر ەنگىزۋ ارقىلى جۇمىسشى-قىزمەتكەرلەردى اۋقاتتانىپ، كىرىسىن ارتتىرۋعا باستادى، ءارى نەگىزدىك قۇرىلعى قۇرىلىستى بەلسەنە كەمەلدەندىرىپ، جۇمىسشى-قىزمەتكەرلەردىڭ ءوندىرىس، تۇرمىس ساپاسىن جوعارلاتتى. چىن شۋميڭ بىلاي دەدى: «الداعى قىزمەت بارىسىندا ۇلتتار ىنتىماعىنا ءتيىمدى ءتۇرلى قيمىل وتكىزىپ، ءال-اۋقاتى تومەن بۇقاراعا كومەكتەسۋ تەبىنىن ارتتىرىپ، ۇلتتار ىنتىماعى قىزمەتىن بۇرىنعىدان دا جاقسى ىستەپ، اناردىڭ دانىندەي تىعىز ۇيىسىپ، ءار ۇلت حالقىن 
شىنايى ىنتىماقتاستىرامىز.»