التىن كۇز ـــ 10-اي جيىم-تەرىم مەزگىلى، تيانشاننىڭ تۇستىگى مەن تەرىستىگى مول ءونىم شاتتىعىنا شومدى

 

 التىن كۇز ـــ 10-اي جيىم-تەرىم مەزگىلى، تيانشاننىڭ تۇستىگى مەن تەرىستىگى مول ءونىم شاتتىعىنا شومدى. بىرنەشە كۇننەن بەرى، سانجى قالاسى ىر-ليۋ-گۇڭ قالاشىعى باقىت قىستاعىنىڭ ديحانى ما ميڭگۇي 200 مۋدان ارتىق ەگىس اتىزىنداعى قىزاناقتى ماشينامەن جينادى. مول ءونىم العان ما ميڭگۇي ەرەكشە قۋانىشقا بولەندى. ول: «بيىل كوپەراتيۆتىڭ ارقاسىندا، زاۆود قىزاناقتى ساتىپ الۋعا تاپسىرىس بەردى، ءونىمدى ساتۋدان الاڭدامايمىز، زاۆودقا جەتكىزىپ بەرسەك، سول جەردە ەسەپ جاسالادى، كىرىسىمىز دە جاقسى، 200 دە 300 مىڭ يۋان اينالاسىندا بولادى،»-دەدى. قازىر قىزاناقتى ەگۋدەن ساتۋعا دەيىن، «كاسىپورىن، كوپەراتيۆ جانە ديحان» سەلبەستىگى فورماسى قولدانىلىپ، ەگىمشىلىكپەن شۇعىلداناتىن وتباسىلارى الاڭنان ارىلدى. بيىل ما ميڭگۇي مۇشە بولعان سانجى قالاسى يۇي-شۋان-جين  جۇگەرى ەگۋ كاسىپتىك كوپەراتيۆبى جۇڭ-لياڭ تۇنحى شەكتى جارنا سەرىكتەستىگىنىڭ سانجى قىزاناق ونىمدەرىن جاساۋ شەكتى سەرىكتەستىگىمەن ءبىر مىڭ 770 مۋ جەرگە قىزاناق ەگۋ توقتامىنا قول قويدى. جۇڭ-لياڭ تۇنحى سانجى قىزاناق ونىمدەرىن جاساۋ شەكتى جارنا سەرىكتەستىگىنىڭ قىزاناق ەگۋ اۋماعى بۇرىنعى ءبىر اۋىل-قالاشىقتاعى 40 وتباسىنان دامىپ، قازىرگى 8 اۋىل-قالاشىقتاعى 2 مىڭ وتباسىنا جەتتى. سونىمەن بىرگە، قىزاناق ەگەتىن وتباسىنىڭ ءار مۋىنان كىرگىزەتىن كىرىسى دە 300 يۋاننان ارتىپ، مىڭ يۋانعا جەتتى. سەرىكتەستىكتىڭ باس مەڭگەرۋشىسى ليۋ باۋساي بىلاي دەدى: «بۇدان بىلاي ەگىمشىلىك اۋماعىن اۋەلگىدەي ارتتىرىپ، سانجى وبلىسىنىڭ ماڭىنداعى اۋىل-قالاشىقتاعى ديحانداردى ءونىم مولشەرىن، كىرىسىن جوعارىلاتۋعا باستايمىز، حالىقاراداعى  بازارىمىزدى ورنىقتى ساقتاۋمەن بىرگە، ەلىمىزدەگى قىزاناق  ونىمدەرىن جاسايتىن قوسالقى ونىمدەر كاسىبىن بارىنشا دامىتىپ، قىزاناق كاسىبىنىڭ بولاشاقتاعى دامۋىنا تىڭ ومىرشەڭدىك كۇش قوسامىز»  .التىن كۇزدە، بۋرىلتوعاي اۋدانى رۇي-شۇە بالىقشىلىق ەكولوگيالىق ساياحات قىستاعىنداعى 20 مىڭ مۋدان اساتىن سۋ ايدىنىندا بالىقشىلار ەرەكشە قاربالاس بولدى، بالىقشىلار اۋ جايىپ، بالىق  اۋلاپ، جاعاعا شىعارۋمەن ابىگەر، بالىقشىلىقپەن شۇعىلداناتىن  ۋاڭ سانرۇيدىڭ وتباسى  وتە قۋانىشتا. ول: «وتكەن جىلدارداعىمەن سالىستىرعاندا، بيىلعى بالىقتار ءىرى ەكەن، تۇرقى دا وتە ادەمى. اۋ جيعاننان كەيىن، شامامەن 3 تە 4 ميلليون يۋاننان ارتىق پايدا تاباتىن بولامىز،»-دەدى.

 بيىل بۋرىلتوعاي اۋدانى ۇلىڭگىر كولى بالىقشىلىق كاسىبىنەن مول ءونىم الدى، 2018-جىلدان قازىرگە دەيىن، تۇتاس اۋداننىڭ سۋ ونىمدەرى ساۋداسىنىڭ جالپى مولشەرى 8 مىڭ 650 تونناعا جەتىپ، ءونىم قۇنى 190 ميلليون يۋاننان اسىپ، بالىقشىلاردىڭ كىسى باسىنا تۋرا كەلەتىن كىرىسى 16 مىڭ 960 مىڭ يۋان بولدى. مول بالىق بايلىعىنا سۇيەنىپ، بۋىرىلتوعاي اۋدانى تاعى «بالىقشىلىق پەن ساياحاتتى ۇشتاستىرۋ» فورماسىن بەلسەنە اشتى، بالىقشىلىق كاسىبىندەگى مول ءونىم شاتتىعى دا قىرۋار ساياحاتشىنى باۋرادى. بەيجيڭدىك ساياحاتشى ۋاڭ يۋان: «اسىرەسە، اۋدى سۋدان جيىپ الىپ، بالىققا تولعان اۋدى كورگەندە، ەرەكشە تەبىرەنەسىڭ. وسى ارادان كوپ سۋرەت تارتتىم، قايتىپ بارعاننان كەيىن، وسى سۋرەتتەردى دوستارىما كورسەتەمىن،»-دەدى. 

قازىر، گۇما اۋدانىنداعى 6 مىڭ مۋدان ارتىق جەردەگى جەرگىلىكتى جاڭعاق ىركەس-تىركەس قاعىپ الىنىپ، بازارعا شىعارىلدى. سوڭعى بىرنەشە جىلدا، بۋدانداستىرىپ سورتتى تۇقىم جەتىلدىرۋ تەحنيكاسى كوپتەگەن قىستاق ديحانىن يگىلىككە كەنەلتى. گۇما اۋدانى موجى قالاشىعى سايباع قىستاعىنىڭ ديحانى ابىلا مامۋت: «جاڭعاقتى بۋدانداستىرۋدان بۇرىن، ءبىر جاڭعاق اعاشىنان جىلىنا 50 كيلوگرام اينالاسىندا ءونىم الىناتىن، بۋدانداستىرعاننان كەيىن، ءبىر جاڭعاق اعاشىنان جىلىنا 200 كيلوگرام اينالاسىندا جاڭعاق الىناتىن بولدى، قازىر بازارداعى جەرگىلىكتى جاڭعاقتىڭ ءار كيلوگرامنىڭ باعاسى 20 يۋان، مەن ءبىر جاڭعاق اعاشىنان جىلىنا 4 مىڭ يۋان كىرىس كىرگىزەمىن، مەندە 12 ءتۇپ جاڭعاق 
اعاشى بار، قازىرگە دەيىن جاڭعاقتان 70 مىڭ يۋان كىرىس كىرگىزدىم،»-دەدى